Tocha
Da Paz Iha Covalima
SUAI-Populasaun Suai Sesta (18/05) feira ne’e
antuasias simu tocha da paz ho tradisaun
kultura Tebeday hosi Suku Kamanasa, maibe molok populasaun sira simu Tocha da Paz
komisaun organizadora sira iha Kinta ba simu Tocha da Paz iha Balibar.
Nune’e
mos mai to’o iha Mota Rai Ketan hosi komisaun organizadora hosi SEJD hodi
entrega Tocha da Paz ba atleta na’in rua hodi sunu Tocha da Paz akompanha hosi Tocha
da Paz hosi nasional halai haleu capital Suai Villa.
Photo Chamot Nahac |
Tocha
da Paz mos akompanha hosi komunidade tomak, estudante hahu hosi eskola
pre-primaria to’o iha eskola secundaria, dram ben, Tebedai hosi suku Kamanasa,
funsionario iha iha Covalima tomak inklui joventude entre feto ho mane no
labarik ki’ik sira hotu maka partisipa.
Simu
Tocha da Paz mos ho aktividades Desportu Komunitaria hanesan Sae bua, dada
tali, kuda halai taru, tata kanuru ho berlindus, hadau malu kadeira, buka maluk
no hatam pregu ba iha botir. No mos Aprezentasaun Kutura kovalima nian hanesan
Tebeday, Tebe dahur, no seluk tan.
Ho
lia fuan Tocha da Paz tuir Administrador Distritu Covalima Inacio da Silva
Pires iha nia deskursu sente ba labarik sira maka eskola iha Suai ne’e maske
estuda kona ba lingua portuguesa, maibe Tocha ne’e obor iha lia indonesio ho
lia fuan tetun dehan ahi.
Administrador
haklaken kona ba Tocha da Paz (Obor Perdamaian) hanesan simbul ida ne’ebe sira
hosi Dili entrega mai iha ita, atu nune’e ita tane nafatin, hahi nafatin lia
fuan PAZ.
Tanba
sa maka lia fuan ida PAZ ne’e importante ba ita, tanba ita iha nasaun ne’ebe
iha pos konflitu barak mak liu ona iha tinan 500 liu ne’ebe Portugal ho
Indonesia ukun ita.
Photo Chamot Nahac |
Administrador
konta istoria konaba Portugal ukun ita iha tinan 450 ita iha konflitu hela deit
ho sira, konflitu ikus liu ne’ebe ninia nesesidade makas liu, ne’e maka iha
fulan Agustu tinan ida ne’e ita sei komemora Dom Boaventura iha Distritu Manufahi
ba tinan 100.
Tanba
iha momentu ne’eba Dom Boaventura revolta 1912 nia maka komanado ho apoiu rekuladu
hosi suai, Kamanasa, ne’e tama ona iha istoria timor nian mos hakerek hotu ona.
Administrador
haktuir katak maibe ita nia livru istoria nian kona ba baku nian ne’e to’o
agora sei dauk iha. Administrador
mos rekuinese hodi hato’o ba povu Suai katak iha momentu ne’eba hau nia avo mos
involve hotu iha funu Manufahi. Ida
ne’e ita sei tuir hodi komemora fali iha Manufahi iha fulan Agustu tinan ne’e,
tanba ne’e maka ho lia fuan ida perdamai an ne’e iha ninia fiknifikadu boot ba
ita, depois de Portugal fila Indonesia tama fali ita iha konflitu hela deit,
ita fu nu hela deit hasoru forsa Indonesia, ita hetan indenpendensia 1999. Maibe
to’o ita hetan ona indenpendensia hanoin ita laiha ona konflito, maibe
realidade to’o iha tinan 2006 ita rasik hamosu konflito boot ida hodi hafahe
povu timor leste ba loro sae ho loro monu.
Ne’e
mak ho lia fuan ida paz ne’e iha signifikadu tebes, ne’e mak ohin loron ita
simu tocha da paz hanesan simbul ida atu hodi fanun ita hotu katak lia fuan paz
ne’e ita presija hahi no tane nafatin. Administrador
fo hatene ba povu suai katak dala ida tan povu sei hasoru tan eleisaun ba
parlamentar nian iha fulan Julho tinan ne’e, hodi hili politika nain sira
ne’ebe iha intrese atu ukun povu iha nasaun ida ne’e. Tanba
ne’e mak ita tenke esforsu an hodi mantein nafatin dame no paz tau iha ita nia
distritu liliu hodi kontribui ba paz. Administrador
husu ba povu hotu atu anima tocha da paz ho dahur, to’o iha 20 de Maio ne’e
remata.(kontributor Julio)
Tidak ada komentar:
Posting Komentar
Bele fo ita bo'ot sira nia komentario iha ne'e.