Tocha da paz iha kovalima Hareme Kuda Halai Taru

Rui Lopez Orgulho ho Kuda Halai Taru iha Suai Tasi

       SUAI- aktividade TOCHA da PAZ rame tebes  iha Covalima tanba hetan animasaun hosi kuda halai taru iha Suku Suai Loro ne’ebe kuda halai iha tasi ibun ida ne’e fo Orgulhu boot tebes ba Rui Lopez hanesan Vice Presidente Comisaun Corida de Cavalo Timor Leste nian.

Rui Lopes Koalia ba Jornalista sira kona ba Kuda halai taru iha Suai Loro
Photo Chamot Nahac

Hau hetan Presia bo’ot ida iha loron ida ne’e, tanba komunidade iha antusiasmu maka’as tebes ho partisipasaun kuda halai taru ida ne’e, maske la’o ain maibe sira hakarak duni atu hare kuda halai taru, nudar Covalima oan hau sente kontente tebes fo festa ida ne’e, tanba durante ne’e nunka hanoin katak komunidade Suai iha antuasiasmu  bo’ot tebes kona ba kuda halai taru, maibe ba loron ida ne’e hau rasik asiste hodi hare maske kuda la to’o 10 hodi halai maibe komunidade barak tebes mak mai asiste.

                  Tuir hau nia Hanoin katak ne’e desportiva ida ne’ebe di’ak kona ba halai kuda iha suai, dehan Vice Prezidente Asosiasaun Kuda Timor Leste ba Jornalista UMR no Timor post (19/5) iha tasi ibu Suku Suai Loro hafoin partisipa iha eventu kuda halai taru, hatete katak  nia sei konvoka reuniaun ida iha asosiasaun laran para bele hadia Fatin ba kuda halai taru iha Suai.

                  Lopez haktuir katak Komunidade ne’ebe partisipa iha kuda halai taru iha Batugade kompara ho komunidade iha suai hodi asiste iha eventu kuda halai taru ne’e suai barak liu ho iha Batugade, maske kuda laiha maibe ema barak maka hakarak atu hare kuda halai ne’e.

                  Rui Lopez Rekuinese katak ba oin kuda sei barak liu fali iha tinan ida ne’e atu hodi anima povu Covalima, fiar katak tinan oin ne’e emprezario barak maka sei sosa kuda, para hodi partisipa iha Desportiva Kuda halai taru ida ne’e, atu ne’e ita nia povu sira bele mai asiste ho kontente.

                  Rui Lopez promete iha fulan Novembro nia hakarak kuda halai taru iha Suai sei rame liu tan ida ne’e, “ha’u sei ko’alia hamotuk ho asosiasaun sira hotu para iha fulan Novembro ne’e kuda sei halai iha Suai ami sei konvida ema estrangeirus balu mos mai asiste iha suai.”

Lopez Hatutan katak; Hosi asosiasaun mos sei sukat kampu iha Suai ne’e kona ba kuda halai taru nian sei sai kampu internasional, atu nune’e para bele lori kuda internasional mos bele mai halai iha ne’e.

                  Lopez husu ba autoridade local sira iha suai atu bele aranja rai luan ida atu nune’e ita bele loke kampu ida bo’ot para kuda barak maka bele halai iha laran.

                  Kuda halai taru ne’e hanesan desportivu ida ne’ebe halo ema hotu kontente hodi mai asiste, ba ida ne’e halo ha’u terharu tebes, ha’u hanesan vice prezidente Corrida de Cavalo Timor Leste, ba loron ohin  ne’e hanesan oferta bo’ot ida mak  ha’u hetan. Lopez mos hatutan katak; Iha fulan Novembru hau sei lori ha’u nia oan feto mai halai mos iha Suai, para hodi hatudu ba povu Suai katak feto mos bele sa’e kuda, ha’u nia oan feto ne’e mos reprezente ona feto Timor Leste sa’e kuda iha Indonesia, nia hetan segundu lugar

Lopez kontinua tan; “Bainhira nia mai halai iha Suai ha’u sente sira nia feto maluk sira bele fo suporta tanba nia ema feto ida, kuandu nia manan ida Jakarta sira iha sira ne’eba dehan mai katak komesa hosi 1973 to’o ohin loron feto hosi Timor primeiru mak manan iha jakarata” dehan Lopez.(Chamot)