SUAI-Loro-loro hahu husi oras tuku 7 dader Adina
Barros ho nia kaben no nia oan feto nain ida ho ida dade tinan ida fulan rua sai
hosi uma lori be’e masa 5 litru ida no hahan tasan, inklui lori mos material tradisional
hanesan koiraik (lafatik), mareta boot ou martelu boot iha kilo grama 2 nian ba
tuku fatuk iha tasi ibun.
Adina
Barros hela iha Aldea Lo’o, Suku Suai Loro ho nia kaben tuku fatuk halo sai
kerikil hodi fa’an ba iha kompanha local sira iha Distritu Covalima sira ne’ebe
maka kaer projetu.
Adina
hatete tuku fatuk ne’e nia objetivu ida deit maka dalan ida fa’an fatuk rahun
sira ne’e hodi hetan osan, ba moris familia uma laran, no hodi ajuda alin sira
ba eskola.
Adina
hato’o lia halerik ne’e ba Timor Post Sabadu (25/08) iha nia servisu fatin tasi
ibun suai Loro, hateten ho badinas loron ida bele tuku fatuk to’o ret rua ou
rua resin.
Maske
tur iha loro manas lasente loro ne’e manas, maibe kontente nafatin hodi tuku
fatuk tanba laiha tan dalan seluk ami atu hodi hetan osan.
Adina
haktuir katak bainhira sai hosi uma hetan fatuk iha dalan sira ne’e foti lori
mai tau hamotuk to’o barak maka tuku fali, tuku to’o fatuk ne’ebe libur sira
ne’e laiha ona tun ba iha tasi lori hili fali maka mai tuku.
Atu
hetan osan lalais ne’e maka ho dalan ida ba ami mak tuku fatuk, ida ne’e maka
ami nain rua hau nia katuas oan nia servisu, tanba baa mi povu kiik laiha tan
dalan seluk atu hodi hetan osan lalais.
“Hanesan
povu kiik ne’ebe laiha kbiit, iha dalan seluk atu hodi moris ba familia uma
laran maka hanesan halo to’os, no natar”hatutan Adina.
Bainhira
iha dader nia katuas oan lori nia ho nia oan mai to’o iha fatuk nia katuas oan
sei fila fali ba hare to’os, depois maka fila mai ajuda hodi tuku fatuk hamotuk
to’o iha loro kraik foin fila hamotuk ba uma.
Adina
haktuir katak fatuk ne’ebe tuku halo kerikil ne’e kada ret ida ema sosa $50
(dolares lima nulu), maibe ida ne’e servisu ida ne’ebe todan tebes, maibe dala
ruma maka iha tempu diak ida ema mai sosa sira ne’e fo folin ba sira la hatun
sira sosa kedas, maske to’o dolares hitu nulu resin lima mos.
Sente
servisu ida ne’e mai ami todan tebes, maibe bainhira ita sente dehan todan ona
maka ita para entau ita sei labele atu hetan osan, tanba laiha tan ona daln
seluk maka atu servisu ba.
Adina
mos haktuir katak tuku fatuk iha tasi ibun ne’e hahu hosi tinan 2002, to’o
agora, ne’ebe ba servisu ida hanesan sente ne’e toman ona maske loro manas mos lasente.
Adina
liu hosi media Timor Post husu ba governu atu bele ajuda netik material ruma ba
sira kona ba tuku fatuk tomak, sai ba kerikil.
Adina
mos husu kona ba lubas, masker tanba dala ruma fatuk rahu sira bele katik tama
to’o iha inus ho ibun, no husu mos martelu boot sira ne’e.
Ami sei la eziji buat
diak ida ba iha governu maibe maibe ami husu deit buat ne’ebe maka atu bele
hodi ajuda netik ami hodi buka osan liu hodi dalan tuku fatuk.(notisias TP/azu)
Tidak ada komentar:
Posting Komentar
Bele fo ita bo'ot sira nia komentario iha ne'e.